Төв аймгийн Алтанбулаг сумын ИТХ-ын дарга Н.Батмөнх,Засаг дарга Д.Батсуурь нар мал хулгайлах гэмт хэрэгтэй тэмцэх,малчдын эрх зүйн мэдлэгийг дээшлүүлэх зорилгоор TV-5 телевиз,цагдаагийн байгууллагатай хамтран хэрэгжүүлдэг Шинэ хөдөө төсөлтэй хамтран ажиллах хүсэлт гаргасаныг дэмжиж төслийн үйл ажиллагаа  эхэллээ.  2019 оны 10 дугаар сарын 24 ний өдөр Алтанбулаг сумын Алтан-овоо багийн малчдад ТV-5 телевизийн сэтгүүлч н. Дорж төслийн талаар болон цаашид хийх ажлын талаар мэдээлэл өгч малчдын санал хүсэлтийг сонслоо.  Малчдад эрх зүйн сургалт сурталчилгаа хийх,малчид бүлгийн зохион байгуулалтад орж ажиллах, зарим бүлгийн малчдын малд GPS төхөөрөмж ашиглах,бэлчээрийн үлийн цагаан оготно устгах,бэлчээр хамгаалах ажилд хамтарч ажиллах зэрэг ажлуудыг хийж хэрэгжүүлэхээр төлөвлөж байна.