Хулд сумын нутгийн удирдлагууд санаачлан “БАЙГАЛИА ХАМГААЛЪЯ” нэгдсэн арга хэмжээний хүрээнд сумын төвд иргэдийн эзэмшилд байдаг хэдий ч эвдэрч хэмхэрч цаашид ашиглагдахгүй болсон тээврийн хэрэгслийг хаягдал төмөрт тушаан мөнгийг иргэдэд олгох ажлыг зохион байгууллаа. Сумынхаа өнгө үзэмж сайжруулах зорилгоор гудманд болон айлын хашаан дахь автомашины хог хаягдал, кабины тоог гаргаж, эзэдтэй нь уулзаж ачуулах зөвшөөрөл авч улмаар нэгдсэн цэгт бөөгнүүлэх, төмрийн хогонд тушаагаад дараа нь кабин машины сэгийг ачуулсан иргэддээ мөнгийг нь буцааж олгожээ. Сумын төвөөс эвдэрч хэмхэрсэн ашиглах боломжгүй болсон 45 хаягдал тээврийн хэрэгслийг Улаанбаатар хот руу 2 удаа тээвэрлэсэн байна.