БНХАУ-аас Замын-Үүдэд суугаа ерөнхий консул Ли Яньжюнь Дундговь аймагт айлчлан аймгийн удирдлагууд хүлээн авч уулзалт хийлээ. Уулзалтын үеэр Ерөнхий консул Ли Яньжюнь Дундговь аймагтай бусад аймгаас илүү хамтын ажиллагаа сайтай, найрсаг холбоотой гэдгийг цохон тэмдэглээд цаашид илүү өргөн хүрээн хамтарч ажиллах боломжтой гэдгээ илэрхийллээ. Мөн аймгийн Засаг дарга Ц.Мөнхбат талархал илэрхийлж, бүх төрлийн хамтын ажиллагааг өргөжүүлэхэд өөрийн зүгээс чадах зүйлээ хийхээ амлаж Дундговь аймаг үүсгэн байгуулагдсаны 80 жилийн ойн баяр наадмын үйл ажиллагаанд албан ёсоор урилаа.