Тус сумын "Адуучдын холбоо" ТББ аас ивээн тэтгэн сургуулийн сурагчдын дунд 3 насны ангиллаар "Үндэсний бөх"-ийн тойргийн барилдаан зохион байгууллаа. Уг барилдааны 1-5 дугаар ангийн хүүхдийн барилдаанд Г.Отгон-Эрдэнэ алтан медаль, Г.Хүчитбаатар мөнгөн медаль, П.Содномдорж, Г.Дөлгөөн нар тус бүр хүрэл медаль хүртсэн бол 6-9 дүгээр ангийн хүүхдийн барилдаанд Э.Хосбаяр алтан медаль, Г.Санжаасүрэн мөнгөн медаль, М.Баатар, П.Эрдэнэбаяр нар тус бүр хүрэл медаль, 10-12 дугаар ангийн хүүхдийн барилдаанд П.Цогтбилэгт алтан медаль, Г.Анхтайван мөнгөн медаль, Түвшинбаяр, О.Баасанжав нар тус бүр хүрэл медаль хүртлээ. Уг барилдааны нээлтэд сумын Засаг дарга Д.Батсуурь, ЕББДС-ийн захирал Ц.Бат-Эрдэнэ, "Үндэсний бөх"-ийн холбооны тэргүүн Ц.Пүрэдорж нар 3 дугаар сарын барилдаанд амжилттай барилдаж тэргүүн байр эзэлсэн Г.Анхтайван, Г.Санжаасүрэн, П.Содномдорж нарт "Дүнжингарав дэвжээ"-ний санаачилгаар зохион байгуулж буй 6-18 насны хөвгүүдийг зодог шуудагжуулах хөтөлбөрийн хүрээнд суманд хуваарилсан өмсгөлийн дээж зодог, шуудгийг гардуулж сум, аймгийнхаа нэрийг улсад цуурайтуулсан алдар цуутай хүчтэнүүд болох ерөөл уламжиллаа.