Аймгийн ИТХ-ын даргын 2023 оны 11 дүгээр сарын 13-ны өдрийн 24 дүгээр захирамжаар аймгийн ИТХ-ын ээлжит 16 дүгээр хуралдааныг 2023 оны 12 дугаар сарын 04-ний өдөр зарлан хуралдуулахаар шийдвэрлэлээ. Хороодын үйл ажиллагааны журмын дагуу хуралдаанаар хэлэлцэх асуудлыг урьдчилан бэлтгэх, санал дүгнэлт гаргах, хурлын тогтоол шийдвэрийн биелэлтийг хянан шалгах чиг үүргийн дагуу Хороо тус бүр өөрийн хороо эрхлэх асуудлын хүрээн дэх асуудлуудтай танилцаж, дүгнэлт гаргаж байна. Аймгийн ИТХ-ын Төсөв, санхүү, эдийн засгийн хөгжлийн хороо 2023 оны 11 дүгээр сарын 28-ны өдөр хуралдаж, Дундговь аймгийн 2024 оны төсөв батлах тухай, сумдын Эмийн эргэлтийн сангийн бүтэц зохион байгуулалтын оновчтой хэв шинжийг тодорхойлох тухай, өмчийн харилцааг зохицуулах асуудлуудтай урьдчилан танилцаж, санал дүгнэлт гаргалаа. Тус асуудлыг хэлэлцээд зарчмын зөрүүтэй санал гараагүй тул аймгийн ИТХ-ын ээлжит арванзургаадугаар хуралдаанаар хэлэлцүүлэхээр шийдвэрлэлээ. Мөн “Ид шидийн орон Дундговь” ХХХТ-ийн 2024 оны төсвийг нэмэгдүүлэх саналыг хүргүүллээ.