Сумын иргэдийн Төлөөлөгчдийн Хурлын ажлын албанаас Алтан-Овоо, Замт багийн малчдын дунд оршуулгын газрын үйл ажиллагааны зохицуулалт, сумын нутаг дэвсгэрт уул уурхайн ашиглалтын болон хайгуулын зөвшөөрлийг цаашид хэрхэх тухай хэлэлцүүлгийг зохион байгууллаа. Хэлэлцүүлгийг 2 багийн 9 хэсэгт 104 хүнийг хамруулан хийсэн. Хэлэлцүүлгийн эхэнд сумын иргэдийн Төлөөлөгчдийн Хурлын дарга сумын ИТХ-ын үйл ажиллагааны мэдээлэл, гарсан тогтоол шийдвэрүүдээс онцлон танилцууллаа. Мөн хэлэлцүүлэгт ирсэн малчдад сумын Гэмт хэргээс урьдчилан сэргийлэх ажлыг зохицуулах салбар зөвлөлийн бүтэц зохион байгуулалт, ямар чиглэлүүдээр үйл ажиллагаа явуулдаг тухай мэдээлэл өгч, сумын Засаг даргын үйл ажиллагааны хөтөлбөрт тусгуулах ажлын санал, 2026 онд сум үүсэн байгуулагдсаны 90 жилийн ой тохиохтой холбогдуулан 90 бүтээлч ажлын саналыг авлаа.