Сумын ИТХ нь чанарын менежментийн тогтолцооны шаардлага ISO 9001:2015 стандартыг нэвтрүүлэхээр  "Менежмент ба ур чадварын хүрээлэн" ТББ-тай зөвлөх үйлчилгээний гэрээ байгууллаа. Гэрээний хүрээнд "Менежмент ба ур чадварын хүрээлэн" ТББ-аас эхний сургалтыг 2025 оны 01 сарын 23 ний өдөр зохион байгууллаа. Сургалтад сумын иргэдийн Төлөөлөгчдийн Хурлын дарга, нарийн бичгийн дарга, ажлын албаны мэргэжилтэн, 10 төлөөлөгч хамрагдаж батламж гардан авлаа. Нутгийн өөрөө удирдах байгууллагад "Чанарын менежментийн тогтолцоо"-г нэвтрүүлснээр шийдвэр гаргах түвшний үйл ажиллагаа, хууль тогтоомж, гаргасан шийдвэрийнхээ хэрэгжилтэд тавих хяналт сайжирч, нутгийн удирдлагын байгууллагууд харилцан уялдаатай, нэгдсэн тогтолцоотой болох давуу талтай юм. Цаашид сургалтууд 3 сарын туршид үе шаттай зохион байгуулагдана.